اه يا بلد شبعت فيكى مرمطه
دى لقمه عيش ولا حكومه ملغبطه
واقف على طبونه عليها ناس كتير
واقف والدنيا زحمه وطوابير
والقوى بيزق الضعيف لا فى لا رحمه ولا ضمير
اه يا بلد مسكت فيكى ورقه وقلم
من حبى ليكى اتخد مييت قلم
لا عارف مين ظالم ولا عارف مين اتظلم
كل اللى فيا ليكى خلاص جوايا اتهدم
روحى شوفى حكومتك اللى هتخليكى عدم
اه يا بلد انكتب علينا الجوع
بنضرب بالجذمه ونقول اه بصوت مسموع
ولا قدره تتحركى من الذل والخضوع
خلاص يا بلدى جفت عنيا من الدموع
اه يا بلد بقى غريبك صاحب الارض
وولادك حراسك يتكلمو ولا يلاقو رد
اغنيتك بياخدو قروض والفقراء مش لاقيين قرض
ليه اللى جايلك اجنبى
بتجرى عليه تطبطبى
وتمسكى فى ايدك حديد
وعلى ضهر ابنك تضربى
وتركبى الوش الخشب
وعلى اهلك وناسك تقلبى
اه يا بلد معانده نفسها
اه يا كل حاجه وعكسها
اه يا بلد ما تعرف اهلها
فاض الكلام وما انتها
اه يا بلد هترجع للعصر المملوكى
اه يا بلد غربائك سكانوكى
والصهاينه عينهم عليكى وعلى اخوكى
دول حتى نويين يتهموكى
ويسلبو ارضك ويضربوكى
ولادك هما اللى بقينلك
زوارك دول اللى حموكى
ولا ولادك هما اللى صانوكى
اه يا بلد نفسى تحقق العداله
وتمسح الخوف من الناس الغلبانه
وتكلى لؤمتك بأيد ولادك بأمانه
ومتمديش ايدك فى ايد غريب للعوانه
اخواتك عندك اطلبى منهم
دول ساعه الجرح اجزخانه
اه يا بلد نفسى اصلى فى المسجد
لا اكون ارهابى ولا ابقى فيكى ميت
عايز طريق امشى عليه فى سلام
مش امشى فى الطرق وانا فى التوهان
امشى عليه مصاحبنى الامان
دا كتير عليا ولا اقول كمان
يا بلادى بصى لولادك
دول هما قمرك وهلالك
نفسى امشى بليل مش خايف
ولا حكومتك تقول عليا هايف
دا انا حتى من صلبك
ترضيها انت على اللى من صلبك
يبقى مش شايف
يا بلادى انا عايز اخد حقى اللى بره
اخده زيي زى الغريب بتاع بره
انا مت فى المانيا ولاحدش سمعلى صوت
دا خوف ولا انكتب علينا الموت
حد يفهمنى ويرد عليا سؤالى
انا لم مت بحجابى ايه اللى حصل
ولم مت بحكومتك ايه اللى حصل
ولم ضربونى بالجذمه وعلاقونى ودبحونى ايه اللى حصل
اه يا بلد شايفك اسود من سواد العسل
مهو دا اللى حالك ليه وصل
نفسى اربى ابنى على حبه ليكى
ولما نسافر يقول انا مصرى
ويمسك علمك ويبوس اديكى
نفسى ابنى يحس بيكى
نفسى امشى من غير ضغوط
والمستشفيات يتركها الموت
واسمع عن انخفاض الاسعار
واخواتى يبقو من غير حصار
واعيش حياتى بالاختيار
عايز اشوف انتخابات
مش نجاح مكتوب فى شعارات
مرسومه على الحيطان فى الميدين والمطارات
يا حكومه ان ابن طيبنك
دا هو اللى بقيلنا
لو عايزه تبعينا
غورى انت من وشنا
اه يا بلدى بحبك ووخدنى ليكى الشوق
وحبى ليكى غطى كل الشقوق
وكل ما اصحى يا بلدى وافوق
ألقينى فى وهم ومع التيار سايق
يا بلدى بحبك بس مش طايق
يا تغيرى نظامك يا تقوليلى حقايق
Sha3er Ela7zan