كنت كتبها من فتره وبعتذر
.
يا بلدى كفايه حرام
ابنك ضربوه بالنار
سيبك من حكومتك
دول عايزنها دمار
عايزينا دايما فى الحصار
مش سمعه صراخ الصغار
ولا سمعه ومظنشه لأجل الكبار
متخفيش مش هقول لحد
بس نفسى اسمع منك رد
بتحبى ولادك وبتخافى عليهم
ولا ولادك ماشيين فى حاره سد
يا بلدى بحب الحريه
قلولى فيكى هلاقيها
طيب ازاى وحكامك ابيه
قوليلى انت على طريقه
او قوليلى مره ايه هى الحقيقه
يمكن ساعتها ارجع فى كلامى
وقول بلدنا بلد الحريه
نفسى اعرف ايه الحكايه
دا انت مذكوره من الرحمن فى ايه
مصر بلد السلام
وزى ما ذكر فى القرأن
انك يا مصر بلدى بلد الامان
يا بلدى اسمعينا ولو مره
غيرنا بيسرقك الف مره
يا بلدى لو مش عايزانى
جبتينى ليه
عيشتينى فى وهم وقولتيلى
بكره تكبر وتبقى بيه
و لا تخاف من القنابل
كلمه عليه بقلبك قابل
والظلم قوله لا
طيب اشمعنا دلوقتى يا هانم
لما حكومتك تبقى ظالمه
وولادك نهارهم ضالمه
عايزانا يعنى نقوم بالثوره
يا بلدى قوليلى حاجه
حكومتك مخلتليش ولا حاجه
عموما .. نفسى اقولك حاجه
ولو مش فاهما حاجه
هفسرلك بكام حاجه
فى ناس كبيره وهتصغر
دا كبرهم دا شيخ منصر
وسبحان الله .. عليه المنظر
لا فى سرقه ولا تهريب
ولا كوسه ولا تهليب
انتخابات ايه اللى مزوره
وحكومة ايه اللى مفشخره
وبنت مين متعوره
دا كلو تحت السيطره
كل ما اكلم حد يخاف
يقولى سكاات
لا تسكت خالص وتبقى حداد
وعلى المعتقل يشدوك
لا هتعرف امك من ابوك
ولا بنت خالتك من اخوك
وتبقى يعينى وحيد
ويعينى ليه ... من فعلا وحيد
بدافع عن حق وحيد
بدافع عنه وانا الوحيد
مهو لو كله وقف معايا مش هبقى وحيد
وهنبدأ كلمنا من جديد
وايدى هتبقى مليون ايد حديد
عايزين نحقق حلمنا
ونقول لظلم لا حتى لو اكبر مننا
مصر دى لينا كلنا
متعملش فيها عبيط
ودور على اللى عايزنا عبيد
صحيح كلامه خفيف
بس يا فرحتى فين الرغيف
والناس بتتاخد من عـ الرصيف
والله شعور سخيف
كلامه كله ظريف
مش كدا يا عم نظيف
بيعتونى جسمى
ونسيتونى اسمى
لما يضربنى شويش
ويقتلنى ويقول عليا كأنه مفيش
ياريس كل يوم تعبنين
والله ياريس مخنوقين
وعلى عيشتكم مرغمين
صبرنا ايام وسنين
وبردو مفيش
كلو حاجه ملغبطه
وحكومتك علينا مشطبه
اه ياريس .... خلاص
لقمتنا ما فيهاش اخلاص
اكلنا مسرطن
والميه مجارى
والغاز لينا سم هارى
ياريس خلاص شبعنا كلام
احنا خلاص فكينا اللجام
وكلامك كله لينا بقى حرام
ومش عايزين اى كلام
شعبك خلاص قام وفاق
وكل كلامك عارفينه .. نفاق
وشعبك .. واقف ورا كل باب
وفى كلامه ميت الف ناب
مش حكومتك قالت علينا كلاب
جرب بقى عذاب الدياب
وانا مش عايز اعيش
كفايه انك عندى ما تسويش
حزبك عندى كأنه مفيش
وحيات عيالك ويوم العبور
خد فى وشك وامشى وغور
Sha3er Ela7zan
Tel :- 0106964982
E-mail :- x.viro@yahoo.com
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.